:: عمرو قطامش ::




في احلك لحظات العتمة
ألتجأ لقلميَ والدفتر
كي أنظم شعراً مكبوتاً
في قعر فؤادي يتذمر
فأزيح كلامي عن حلقي
وأصوغ حياتي في أسطر


Name::عمرو قطامش
ملحوظة:::الي الذين لا يجمعهم إلا قدرُ فاجع ... في قبضة ألم مروع ... حتي اذا انفرج تفرقوا شيعا .. ولم يعوا شيئا .. رغم اللسان الواحد والمكان الواحد والمصير الواحد
View my complete profile

Just Add Whatever Here

Saturday, June 28, 2008

الشاعر السابع - مصطفي مقلد

ولحد امتي
.
ولحد امتي هاتهربي فيا
وتجرحيني ف جوة جوايا
وتقتليني وتقبضي الدية
وف كل مرة تقلبي الايه
.
ياللي كنت من زمان إلفي
لما انتي ضدي
يبقي مين حلفي
جايباني ليه خلف اللي كان خلفي
ومخلفالي الحسرة جوايا
.
ليه كل ما ابعت قلبي بترديه
وزاي يودك وانت ما توديه
لو كنتي سايقه ف الدلال والتيه
وحياة جمالك بصي ف مراية
.
فعلا جميلة
بس عيب حسنك
انه بيبعد .. عشي عن غصنك
مع ان عشي كان ف يوم حصنك
طول عمري فاكرك وانت نساية
.
عمال باغني وقاصدة ماترديش
سايباني مرمي جوة بطن الهيش
عصفور وقضى العمر من غير ريش
واخرة هروبة .. هتاكله حداية
.
حداية حاطة عيونها ع العصافير
لو جم يغنوا هاتكتر الصفافير
ممنوع يغنوا الا اغاني الغير
ممنوع يحطوا ف العش قشاية
.
ليه بس ماشية والدليل غرابيب
واخدة العيال المولدين للشيب
ولسه ياما تشوفي من اعاجيب
طول ما الغراب بيشيلك الراية
.
ياللي انت طول العمر علي بالي
سهلة لغيري ومستحيلالي
ما في غير جمالك حسن يحلالي
وهاتفضلي لي الغي والغاية
.
.
الشاعر في سطور
ـــــــــــــــــــــــ
الاسم / مصطفي كامل مقلد
الميلاد .... 22 / 3 / 69 قرية لاصفير البلد - دسوق - كفر الشيخ
الوظيفة / مدرس
عضو نادي الادب مدينة دسوق
شاعر عامية ونشرت له العديد من الاعمال بالصحف والمجلات المختلفة كما اذيعت له بعض الاغاي بالاذاعة المصرية وله ديوان تحت الطبع .. وجع السنين
القصيدة من ديوان .. الفجر الكاذب

Posted by admelmasry ::5:10 PM :: 2 Comments:

Post a Comment

---------------------------------------------



:: ادم المصري ::


يا دنيا ياغازية
الرقص ليه غيـــة
لو مت فيــه ديــة ؟
ام هـدر دمي حــلال


Name::admelmasry
ملحوظة::Egypt
من فضلك حين تحدثني ضع في اعتبارك دائما اني امثل (( ا/ سبعين مليون من مجمل الشعب المصري )) هذا ان كنت لا تعلم كسر ضئيل جدا جدا .. فارجوك لا تكترث لما اقوله دائما ولا تقم له وزنا
View my complete profile

:: مصادر ::

Friend
Friend
Friend

:::للمراسلة:::

fiel3atma@yahoo.com

:: دعم فني ::

Blogger
Template By Caz

Add Images Or Whatever Here