Just Add Whatever Here |
ف الـعـتـمـه .. هـنـور شـعـرالفكرة هي تحويل هذه المدونة لديوان شعر خاص بكل الشعراء الجادين فعلا القادرين علي صياغة معني جيد باسلوب راقي يساعد علي تصفية الكم الهائل من مراهقي الكلمة والتي احيانا لاتقوي للدفاع عن ذاتها الدعوة مفتوحه لكل من يري في نفسه الموهبة والقدرة علي المشاركة فقط راسلنا علي الايميل الخاص بالمدونة، او اكتبها في احدث بوست كــ كومنت ... فقط نحترم الكلمة ، ولا غاية لنا الا الحفاظ علي ما تبقي وسط الحطام Friday, December 28, 2007القصيدة التالته - المواطن عكاشةالمواطن عكاشه محمود عبد الباسط . . طلب عرضحال ، سس عليه دمغه ميرى بياناته كامله ومش طالب اكتر من انك تأشر عليه بالموافقه وكل اللى طالبه : سس حسابى وهاروح لأنى زهقت ومش ناوى ابقى ، سس مواطن لحد ومرفق بطيه : سس بطاقتى …. شهادتى وحبة ورق ، سس من عبطى كتبته خدوا مش عايزهم وسيبوا الهدوم اللى ساتره البدن عشان مسألة إنسانيه وكرامه أقولك …. خدوها ، سسس كده برضه احسن واخر طراوه وايه يعنى ملط ! سس كده الناس تقول عبيط وانطلق كده برضه ليكم ما يبقاش قلق ابلبس بكلمه اصرخ ….. والعن تمصمص شفايفك وها تقول عبيط . سس وعارف لأنك كمسؤل كبير شياكه … رقيق وأجمل ما فيك البدل والقيافه فـ كمل لطافه ، سس ووافق عليه لأنى زهقت ومش ناوى ابقى ، سس مواطن لحد ويشفع تاريخى ، سس لطلبى الوحيد عكاشه اللى حارب ، سس ومات مرتين ! سس وماشى فـ جنازته ، سس وواخد عزاه وكنت فـ صوانى ، سس مشرف سيادتك وفـ الانتخاب أنا اللى انتخبتك بزمة جنابك حاجات مش تضحك ! سس فسيبك بقى م الخطط والسياسه بتيجى تخطط تخطط عليا بقيت الحمار المخطط بتاعك ففك اللجام والغما عن عنيه وسيبنى ابرطع بعيد عن جنابك لأنى زهقت ومش ناوى ابقى ، سس مواطن لحد تقولى بلادى الجميله وترابها سلام للتراب عشقت التراب عشان الحلاوه اللى فيها بلادى اسف التراب ومرمغت روحى فـ حلمه الكبير عملته طواجن .. وكلت بضمير لكنى زهقت ومش ناوى ابقى مواطن لحد ها سيب العمار اللى سموه وطن ، سس وافارق حدوده كده حر نفسى بلا اى مانع ها كون العكاشه الوحيد السعيد تقولى انتمائك .. جدودك .. وعاش ها قولك كلام الأغاني بلاش شقايا اللى رايح بلاش فى بلاش لهذا .. وعليه إليك البيان العكاشى الأخير عكاشه ما عادشى مواطن لديكم لأنى زهقت ومش ناوى أبقى مواطن لحد ..... سس . . الشاعر في سطور ـــــــــــــــــــــــــــــ . الأسم : محمود عبد الباسط شاعر عاميه مصرى الوظيفة : مفتش آثار إسلامية / المجلس الأعلى للآثار تاريخ الميلاد : 13 / 1 / 1973 العنوان : بنها . المؤهلات ليسانس أثار إسلامية 1994 جامعة القاهرة ماجستير فى الآثار الإسلامية 2006 جامعة القاهرة . الأبحاث المنشورة فى مجال الآثار الإسلامية حساب الجمّل التأريخ شعراً أخبار الأدب 27 يناير 2002 العدد 446 المشربية ضوء خافت لماض سعيد أخبار الأدب 2 يونيو 2002 العدد464 الخيامية فيض زخرفى من الماضى الثقافة الجديدة سبتمبر 2002 العدد 149 الثقافة المائية مجلة الثقافة الجديدة نوفمبر 2002 العدد 151 كتاب الرحلة السلطانية الى إقليم القليوبية عرض وتحليل مجلة إشراقات العدد 3 الهيئة العامة لقصور الثقافة 2000 . الجوائز التي حصل عليها جائزة المجلس الأعلى للثقافة 2001 - شعر العامية المركز الأول مسابقة إبداع الاقليم - الهيئة العامة لقصور الثقافة - 1996 المركز الثانى المسابقة المركزية - الهيئة العامة لقصور الثقافة - 2002 . نشر العديد من القصائد فى الدوريات الأدبية منها أخبار الأدب ، جريدة القاهرة ،الأهرام المسائى ، الثقافة الجديدة ، المساء ، صباح الخير ، الكرمة . إصدارات أدبية: دموع حضرتك - عن الهيئة العامة لقصور الثقافة - ديوان عامية يادوب تلحق - سلسلة إبداعات الهيئة العامة لقصور الثقافة - ديوان عامية ومنه القصيدة المختاره 
|
Add Images Or Whatever Here
|
