:: عمرو قطامش ::




في احلك لحظات العتمة
ألتجأ لقلميَ والدفتر
كي أنظم شعراً مكبوتاً
في قعر فؤادي يتذمر
فأزيح كلامي عن حلقي
وأصوغ حياتي في أسطر


Name::عمرو قطامش
ملحوظة:::الي الذين لا يجمعهم إلا قدرُ فاجع ... في قبضة ألم مروع ... حتي اذا انفرج تفرقوا شيعا .. ولم يعوا شيئا .. رغم اللسان الواحد والمكان الواحد والمصير الواحد
View my complete profile

Just Add Whatever Here

Saturday, October 27, 2007

القصيدة الثانية -أبوس دماغ سيدنا

أبوس دماغ سيدنا
.
1
.
بسم الله
نصلى ع الحبيب
و نقول : توكلنا
و نتعاهد يكون الحق راس .. مالنا
كلامنا اليوم عن الأوجاع
عن اللى اتباع
و كام مليار بقوم فجأه
ف حجر بتاع
مالوش لزمة
هنتكلم .. عن الأحلام فى سردابها .. عن الأزمة
هنتكلم .. عن الدنيا من الأول و م الآخر
رجاءاً قبل ما نبدأ .. يا ريت الأخ يتاخر
عشان فيه حد جاى يسمع و هيسجل
و مستجعل
و أحب أبشر المدعو
بإن البث راح يبدأ
يا ريت يجهز و يستقبل
.
هنتكلم
ومش هانحط ف دماغنا قانون إرهاب
و مش هانمجد الخاين و لا الكداب
و مش هاشتم ومش هامدح
ومش هاكتم ومش هافضح
بداية البث واد شلّح
و قال موال
و ياه .. على شلحة الموال
نتع آهه .. و را آهه
و قال موالى عن همى
لا انا حاوى ولا مخاوى
و لا مخبى ورق كوتشينه فى كمى
أنا فى الأصل واد عادى
و من شبرا
لكين غاوى أشوف الفن ف الأوبرا
و احب الحق لو بالسيف
و اكره أى حد ضعيف
فقير لكن
محبش حلمى يبقى رغيف
و بتكلم بناءاً عن دراية و وعى بالحاضر .. و بالماضى
و خوف مذعور من المستقبل الفاضى
فمثلا لو هنتكلم عن الكلمة
بتتعتم
و لو حولنا ع اللقمة
بتتسمم
و لو قلنا الأمل ف الجاى
هتلقى الجاى
بيتعلم من اللى كان هنا قبله
شوف انت لما الغلا و الفقر يتقابلوا
.
2
.
أهو دا اللى إسمه البلا
و دا السمه السايده
إحساسنا بالبهدله
و المسخره الزايده
و لسه ناس بتـقول : بلدنا باب مقفول
ورا منه كنز كبير
و سمعت صوت مسئول
بيقول : بلدنا بخير
الباشا جرب نام ... من غير ما يتعشا
أنا شفت خير البلد ... بفوطه و مقشه
و ميت جنيه ف الشهر
بقوا ميت جنيه ف الشهر تمن العبوديه
وتقول بلدنا بخير
بلدنا فين هيه
بلد اللى يتشقلب .... كل اما يشرب كاس
و لا اللى متعذب .... و ف كفه شايل فاس
بلد اللى بيجيب جون
و سماسرة التليفون
و لا الغبى المطحون
اللى اختفى و انداس
اختر لى فيهم بلد
و شاورلى على بيتنا
و ساعتها هاتأسف
و ابوس دماغ سيدنا
.
.
.
احمد عصام
...
احمد عصام
طالب ببكالوريوس تجارة
جامعة حلوان
قبل ما يقفل معايا سماعة التليفون
قاللى : يا عمرو فهم الناس ان انا من شبرا و بعشق الزحمه
و الفول و الوشوشاللى باشوفها كل يوم الصبح بس
اللىمابحبهاش حاجات تانيه ... مصر ملهاش دعوه بيها


Posted by عـمـرو قـطامـش ::2:44 PM :: 17 Comments:

Post a Comment

---------------------------------------------

Tuesday, October 2, 2007

القضيدة الاولي - اعتقال ماسح الاحذية

اعتقالُ ماسحِ الأحذية

هذا العشاءْ
.
هذا يؤذّنه الحسينْ
.
لكنه ابتلع النداءْ
.
ومضى .... يئنّْ
.
إذ إن زائره الغريب أبَى بدهشة سائحٍ
.
خلْعَ الحذاءْ ... ! ييي
.
* * *
.
وأنا أطوف على المقاهى و الأجانب فى المساءْ
.
فى راحتى صندوق مهنتى المسنّْ
.
أجثو أمامهم العرايا الأغنياءْ
.
وبنصف عينْ
.
أطلى حذاء الجالس الهادى بركنْ
.
فلعله يلقى بعملته العسيرة فى يدي
.
أو علّني
.
ألقى بنظرتى الحسيرة تكتفي
.
من لمعةٍ ببياض حسن فتاتهِ
.
تحت الرداءْ ! بب
.
* * *
.
لى طفلةٌ آياتُ حُسنْ
.
هل عينها لون السماءْ ؟
.
هل خدها لون الحياءْ ؟
.
هل قلبها لون الوفاءْ ؟
.
هل روحها شفافةٌ
.
من دون لونْ ؟
.
وأحبها .... لكننى ... أغفو بحزنْ
.
إذ إنها خجلتْ كثيرًا حينما
.
علمتْ صديقتها بأمري مرةً
.
رعشتْ هنالك يومها منها الشفَهْ
.
يا لليالى المؤسفَهْ
.
مرٌّ أنا
.
مرٌّ أنا بلسانها
.
مثل الدواءْ
.
* * *
.
و أشار لى ذا الأجنبيّ بطرْف جفنْ
.
فأتيت أسرع أنحني
.
وكأنني
.
من دون وزنْ
.
لكنني
.
فورًا تعرّفتُ الحذاءْ
.
فنـزعتُه ... طوّحتُه ... نحو الفضاءْ
.
ونهضت أجري هاتفًا : سسسسس
.
يا سيدى .... سسس
.
يا .... يا حسين
.
لا ... لن تموتْ
.
لن يقتلوك لمرتينْ
.
* * *
.
وهنا أتى جمْع العساكر و الشهودْ
.
فرأيتهم .... لكنّ رأسى غاب فى صدري
.
وغاب الصدر فى الأمعاءِ
.
و الأمعاء غابت تحت أقدام الجنودْ
.
وأنا أصيح لكى أُجنّْ : سسس
.
هذا الحذاءْ
.
لن أمسحَهْ
.
هذا الحذاءْ
.
لن أُصلحَهْ
.
هذا الحذاءْ
.
لنْ ... لنْ .. ولنْ
.
... ... ...
... ... ...
.
فى الفجر بعد الإعتقالْ
.
-فيما يُقالْ –
.
سمع العديد من الجلوس على المقاهى فى المكانْ
.
بعد الأذانْ
.
سمعوا البكاءْ


كريم الصياد
26/ 7/2004

ــــــــــــــــــــــــــــــــــــــــــــــــــــــــــــــــــــــــــ
تحديث : نن
.
كريم الصياد
مواليد القاهرة .. قدر له ان يلتحق بكلية الطب ليدرس سنتين فيها .. ولكن ابت نفسه ان تدرس مالاتطيق
فتحول عنها لدراسه الفلسفه في كليه الاداب - جامعة القاهرة
وهو حاليا معيد فيها
صدر له ديوانه الاول .. الامــر - تابع لدار اكتب للنشر والتوزيع

Posted by admelmasry ::8:31 PM :: 16 Comments:

Post a Comment

---------------------------------------------



:: ادم المصري ::


يا دنيا ياغازية
الرقص ليه غيـــة
لو مت فيــه ديــة ؟
ام هـدر دمي حــلال


Name::admelmasry
ملحوظة::Egypt
من فضلك حين تحدثني ضع في اعتبارك دائما اني امثل (( ا/ سبعين مليون من مجمل الشعب المصري )) هذا ان كنت لا تعلم كسر ضئيل جدا جدا .. فارجوك لا تكترث لما اقوله دائما ولا تقم له وزنا
View my complete profile

:: مصادر ::

Friend
Friend
Friend

:::للمراسلة:::

fiel3atma@yahoo.com

:: دعم فني ::

Blogger
Template By Caz

Add Images Or Whatever Here