:: عمرو قطامش ::




في احلك لحظات العتمة
ألتجأ لقلميَ والدفتر
كي أنظم شعراً مكبوتاً
في قعر فؤادي يتذمر
فأزيح كلامي عن حلقي
وأصوغ حياتي في أسطر


Name::عمرو قطامش
ملحوظة:::الي الذين لا يجمعهم إلا قدرُ فاجع ... في قبضة ألم مروع ... حتي اذا انفرج تفرقوا شيعا .. ولم يعوا شيئا .. رغم اللسان الواحد والمكان الواحد والمصير الواحد
View my complete profile

Just Add Whatever Here

Friday, February 1, 2008

القصيدة الرابعه



ايام ما كانت للرحايا طين




يا قطر السنين اللي ماشي ف سكات

وشايل ف سدرك شوية حجات

ملامح ابويا اللي باهته عليا

وامي اللي رامية دموعها ف عنايا

ونبش السنين اللي يشبه لخطي

وستي اللي من فوق بخورها تخطي

تشكشك وتحرق في عيون الحسود

تشوفة تكبر تخمس بايدها

ولما الليالي تضلم تقيدها

وبعد السنين امي تاني تعيدها

تقلدها حتي ف عقدة قورتها

في رحي الرحا

وعمل الرقودة ف كل المواسم

تقولك بعوده

يا قطر السنين ماشي ف سكات

وشايل ف سدرك شوية حجات

دا منديل بقويا

وطاقية لابويا

وقله ف صنيه بطربوش نحاس

وشفشق ازاز

بنملاه مواردي
وايه تاني عندي ؟

ايه قرانية ف مفرش حرير

وعلبة قطيفة لمصحف شريف

وشيشة قديمة كات يوم لكيف

كليم نوله يدوي

فيه صوره لبدوي

وراكب حصان

علي الحيطة هودج

وكعبة وسفينه
ومبرورة حجك .. يا جدي لنابينا

يا جدي ما شوفتك سوي ف حكايات

يا قطر السنين اللي ماشي ف سكات

وشايل ف سدرك شوية حجات



ــــــــــــــــــــــــــــــــــــــــــــــــــــــــــــ

الشاعر في سطور

ــــــــــــــــــــــــــــــــــــــــــــــــــــــــــــ

علي محمود عبد العزيز

وشهرته علي عبد العزيز

سكرتير نادي الادب بقصر ثقافة المنصورة

عضو بفريق صبا للشعر والغناء والحكي الشعبي

صدر له : طالع يغني _ عن سلسلة ابداع الحرية
.


وكذلك : نعي الغلابة لبعضهم _ والذي منه هذه القصيدة

نشرت اعماله في معظم الجرائد والمجلات

له تحت الطبع : ولسه قادر يغني _ نصوص غنائية

غني له المطرب والملحن الشاب هيثم محفوظ عدة اغاني منها

للاستماع او تحميل الاغاني من هنا


Posted by admelmasry ::8:48 PM :: 8 Comments:

Post a Comment

---------------------------------------------



:: ادم المصري ::


يا دنيا ياغازية
الرقص ليه غيـــة
لو مت فيــه ديــة ؟
ام هـدر دمي حــلال


Name::admelmasry
ملحوظة::Egypt
من فضلك حين تحدثني ضع في اعتبارك دائما اني امثل (( ا/ سبعين مليون من مجمل الشعب المصري )) هذا ان كنت لا تعلم كسر ضئيل جدا جدا .. فارجوك لا تكترث لما اقوله دائما ولا تقم له وزنا
View my complete profile

:: مصادر ::

Friend
Friend
Friend

:::للمراسلة:::

fiel3atma@yahoo.com

:: دعم فني ::

Blogger
Template By Caz

Add Images Or Whatever Here